Me rastin e përvjetorit të 233 të pavarësisë së Shteteve të Bashkuara të Amerikës, kryeministri i Kosovës, Hashim Thaçi, ka dërguar telegram urimi presidentit Barack Obama.

Në telegram thuhet, se lindja e kombit amerikan u bazua në vlerat më fundamentale të qytetërimit, lirisë, demokracisë, barazisë dhe dinjitetit njerëzor.

Kryeministri, Thaçi në telegramin dërguar Obamës, thekson se edhe shpallja e pavarësisë së Kosovës u bë pikërisht mbi të njëjtat vlera dhe të drejta themelore.

Kushtetuta, ligjet dhe parimet e funksionimit të Kosovës pasqyrojnë vlerat dhe standardet më të larta të demokracisë, shoqërisë shumetnike, barazisë së të gjithë qytetarëve. /ktv/